Kryeministri i Shqipërisë, Edi Rama, ka folur nëpozitat e kryesuesit të OSBE në Mynih të Gjermanisë në lidhje me konfliktin mes Rusisë dhe Ukrainës, në Komisionin e Sigurisë.
Rama ka kërkuar kontributin e vendeve anëtare të OSBE-së për të ofruar mbështetje ndaj përmes operacioneve monitoruese në Lindje të Ukrainës dhe në Gjeorgji duke argumentuar se njerëzit atje jetojnë si në ferr.
Kryeministri theksoi se gjërat do të përmirësohen nëse Rusia ndjen prezencën e NATO-s dhe BE-së.
“Vazhdojnë incidentet, sidomos gjatë natës, për shkak të mungesës së kapaciteteve për të monitoruar vijën kufitare në mënyrë më konstante. Iu bëj thirrje të gjitha vendeve të mbështesin ata njerëz, që jetojnë në atë ferr. Nuk do të kushtojë male me para, por disa kontribute shtesë nga vendet e OSBE, në mënyrë që të garantohet që askush të mos vazhdojë të luajë e të krijojë këto incidente. E gjitha kjo është siç u tha, por le të mos gënjejmë veten, sepse nuk është vetëm Ukraina, është edhe Gjeorgjia, Moldavia, por mbi të gjitha ka të bëjë me civilizimin tonë.
Për sa kohë Rusia do të jetojë me frikën e të qenit e rrethuar nga NATO, BE, të jetë e mbytur në këtë rreth, nuk do të ketë një zgjidhje përfundimtare, gjërat nuk do të përmirësohen. 16 vite më parë u mblodhët duke qenë shumë të shqetësuar për Ukrainën, dhe po 16 vite më vonë u mblodhëm sërish për Ukrainën”, deklaroi Rama.
(F.GJ/FAXWEB.AL)
Discussion about this post