Kryeministri Rama ka qenë një nga të parët që ka lënë sot sallën e Kuvendit. Në ambjentet e jashtme ai nuk i la mangët as batutat me disa nga deputetët që po dilnin njëkohësisht me të.
Ndër ta edhe Nasip Naçon dhe Vangjel Tavon e LSI-së. Në fytyrat e tyre nuk mungoi buzëqeshja, ndërsa Rama iu drejtua mjetit të tij.
Nuk mund të flitet për ndonjë romancë me LSI-në edhe pse me PDIU-në duket se marrëveshja në heshtje është arritur. Kreu i Grupit Parlamentar të PS-së Taulant Balla pati një takim me deputetin e PDIU-së në Elbasan, Aqif Rakipi.
Po ashtu vetë Rama është parë duke biseduar dhe me deputeten tjetër të PDIU-së Reme Lala, e famshme kjo kur menjëherë pas marrjes së mandatit në Dibër u shpreh se vota e saj do të ishte për qeverinë e Ramës.
Kjo ishte një më shumë një seancë ceremonike, pasi vetëm pasdite Kuvendi do të mblidhet për të votuar për kryetarin e ri.
Ndërkohë që zgjedhja e Ruçit nuk pritet të ketë surpriza pasi PS-ja i ka të gjitha numrat që i duhen për votimin.
(E.K/SHUPLAKA)
