Prej më shumë se një jave Shkodra ndodhet nën ujë, e megjithatë qeveria ka refuzuar me këmbëngulje që të shpallë gjendjen e emergjencës.
Nga ana tjetër një pjesë e mirë e banorëve që janë evakuuar janë strehuar në disa konvikte shkollash, ndërsa kanë marrë ndihma nga ana e Bashkisë.
Megjithë faktin që qeveria shqiptare nuk pranon ndihma, situatën nuk e shohin njësoj ambasadat e vendeve mike në vendin tonë. Kështu ambasada e Turqisë, vend i cili u vizitua pak ditë më parë dhe nga kryeministri Rama ka nisur një sërë ndihmash për Shkodrën.
Nuk dihet nëse kryeministri e ka diskutuar këtë temë me aleatin e tij Erdogan, apo sërish atje ka anashkaluar situatën.
Ndihmat që janë çuar janë 500 paketa me nga dy pako me ushqime për familjet si më poshtë:
– 230 famije në Dajç
– 240 familje në Anën e Malit
– 20 në konvikin e shkollës “Arben Broci”
– 10 familje në qytet (Tophanë, Ajasëm) dhe 18.5 ton koncentrat që do të destinohen për Velipojën
Bashkia e Shkodrës thotë se e falenderoi përzemërsisht z. Ambasador, Turqinë dhe popullin turk për këtë mbështetje bujare.
(E.K/FAXWEB)
