Në “Komunikimin Javor” të postuar në rrjetet sociale, Kryeminstri Edi Rama shprehet i bindur më shumë se kurrë për një fitore të dytë në zgjedhje.
Rama njoftoi se po punonte për një program të ri ekonomik, program i cili do zbatohej gjatë mandatit të dytë qeverisës.
“Paralelisht me luftën ndaj informalitetit, do nisim programin kombëtar 1 mld dollarë për rindërtim. Falë këtij programi ne do fusim një volum investimesh private, për të fuqizuar infrastrukturën e Shqipërisë.
Ky program i ri do të sjellë gjatë 3 viteve të ardhshme një rritje ekonomike 2-fish, do rrisë punësimin.
Mandati i parë që po shkon drejt fundit është vetëm pjesa e parë e një ndeshje shumë të vështirë që ne do ta fitojmë sëbashku për ta bërë vendin më të mirë. Mes pjesës së parë e të dytë nuk ka pushim se do ketë zgjedhje.
Për ne do jetë një ditë e gjatë për të çuar përpara projektin e fitues të bindur se jemi në drejtimin e duhur. Pikëmbërritja ku duhet të mbërrijmë sëbashku është ende disa vite larg.”, shprehet kryeministri. (D.D/Shuplaka)
Discussion about this post