Kryeministri Edi Rama vijon replikat në distancë me kreun e opozitës Lulzim Basha. Pas fjalës së Bashës në çadër Rama menjëherë ka reaguar dhe e ka quajtur Bashën një zë të ngjirur.
Kujtojmë se ditën e djeshme palët politike pavarësisht ndërmjetësimit të të dërguarve ndërkombëtarë nuk arritën dot një marrëveshje.
‘’Një zë i ngjirur bërtet për t’u treguar përralla qorrave që s’duan të shohin shurdhëve që s’duan të dëgjojnë#VajmedetPDvajmedet kuku për ty’’, shkruan Rama.
DEKLARATA E BASHËS NGA ÇADRA:
Dje Rama e bëri të qartë se është gati të dorëzojë kreu e KQZ-së, ministrat e tij, zyrtarë të policisë, po që nuk është gati të dorëzojë karrigen e tij. Ça problemi ka jep, merr, merr e jep se kështu funksionon pazari i tyre. Peshku është qelbur nga koka. Dhe në këtë pazar duan të bëjnë pjesë edhe PD-në. Kjo është ëndrra e një nate vere e Edi Ramës dhe e Ilir Metës.
Unë dhe aleatët e mi jemi të vendosur të qëndrojmë deri në plotësimin e plotë të kërkesave që populli ka shtruar për zgjedhje. Ne nuk kemi kërkuar poste në tavolinë. Ne kemi kërkuar qëveri teknike, me kryeministër teknik, propozimet le të vijnë nga Partia e tyre por ama me konfirmimin e opozitës. Rama thotë se për katër javë do bëjë kriminalizimin që nuk bëri për 4 vjet, Edi Rama thotë që do zhbëjë drogën që e mbrojti për 4 vjet. (E.K/SHUPLAKA)
