Ditën e sotme Partia Socialiste ka mbledhur Asmablenë e cila vijon ende me dyer të mbyllura por që në nisje të saj, kryetari, Edi Rama ka propozuar ndër të tjera edhe disa ndryshime në drejtimin e Qarqeve.
Por kryeministri nuk arriti të mbërrinte në kohë në Asamble ndërkohë që socialistët e prisnin në sallë dhe për këtë ai u kërkoi ndjesë duke treguar edhe arsyen që sipas tij e detyroi të mos mbërrinte në kohë.
“Së pari ju kërkoj ndjesë, ju e dini që nuk është në natyrën time të vonohem, por isha i detyruar nga një bisedë e gjatë me presidentin e Francës“, tha Rama pa dhënë asnjë detaj apo shpjegim më tepër.
Ndërkohë, kjo telefonatë vjen në një kohë kur Macorn vizitoi Beogradin dhe homologun e tij serb, Aleksandër Vuçiç dhe që u përhap gjerësisht nëpër media pas disa deklaratave të ish-kryeministrit Berisha se Rama kishte tentuar të fuste miq për të zhvilluar një takim tek a tek me presidentin francëz.
Gjithashtu, telefonata vjen pas zgjedhjeve të 30 Qershorit, të parat në historinë e pluralizmit politik kur opozita nuk hyri në to dhe që mazhoranca mori në drejtim 61 bashkitë e vendit.
Nga ana tjetër është edhe dorëheqja e papritur e kryeministrit kosovar në detyrë, Ramush Haradinaj i cili është thirrur nga Gjykata Speciale, thirrje e cila e detyroj atë të jepte dorëheqjen dhe e argumentoi se kishte zgjedhur të paraqitej si qytetar e jo si kryministër.
(F.GJ/FAXWEB.AL)
