”Sot është e pamundur që me para, me mik, apo me shoqëri t’i dalësh përpara dikujt që e meriton.”, ka dalë sot garant kryeministri për atë që ndodh në universitetet publike dhe private duke shtuar se 22 universitete janë mbyllur ashtu sikundër janë mbyllur një sërë fakultetesh në publik.
”Sot është e pamundur që me para, me shoqëri, me mik të mund t’i dalësh përpara dikujt që e meriton më shumë se ty vendin qoftë në publik, soft ënë privat. U vendos një dysheme me mesatare 6, sot nuk ka asnjë me mesatare nën 6.”, tha Rama nga Universiteti i Shkodrës ”Luigj Gurakuqi”, ku ishte i ftuar.
”…Fëmijët e nënave dhe një arsim të lartë për fëmijët e njerkave, arsimi i lartë duhet të jetë njësoj për të gjithë qofshin në institucione që financohen nga shteti, qoftë nga privati. Kriteret dhe rruga që duhet shkuar është e njëjtë.”, theksoi Rama.
”Reforma në arsim ka bërë që sot të kemi 27 mijë kërkesa për formim profesional në Shqipëri në vit, nga 3 mijë që kishim 3 vjet e gjysmë më parë, se ne flasim me të drejtë për punësimin e të rinjve, po si mund të punësohen nëse mungojnë zanatet.”, vazhdoi më tej kryeministri, duke sjellë shembujt e përhershëm të kërkesave për punësim. (V.G/SHUPLAKA)
Discussion about this post