“Rama ta fillojë ndëshkimin nga kjo ndërtesë në mes të Bllokut”, Pampuri: I ka dhënë leje mikut të tij, ish deputetit të PS-së

Ish deputetja e Partisë Demokratike Orjola Pampuri, në një deklaratë për mediat reagoi pas fjalës së kryeministrit Edi Rama në Kuvend, i cili tha se do të ndëshkohen penalisht i gjithë zinxhiri i ndërtuesve që ka abuzuar në në ndërtime pa leje.

Sipas Ramës nëse ke ngritur vetëm një kat pa leje, e gjithë ndërtesa do të cilësohet e paligjshme.

Pampuri e cila ishte pozicionuar, para ndërtesës së “Sky Tower” në zonën e ish-Bllokut, i kërkoi Ramës që ta nisë nga aty ndëshkimin, ku po ndërtohet një shtesë nga miku i kryeministrit, ish-deputet i Partisë Socialiste, Robert Bitri.

Ish deputetja deklaroi se kryeministri Edi Rama punon me dy standarde dhe se ndëshkimin duhet ta filloj pikërisht nga miku i tij.

“Le ta nisë nga kjo shtesë në këtë pallat në qendër të Tiranës. Veliaj dhe Rama i kanë firmosur një lejë ish-deputetit dhe mikut të tij. Edi Rama punon me dy standarde.

Edi Rama të filloj ndëshkimin nga kjo ndertesë. Le ta nisë ndëshmikim nga Sdari Abazi nga Tom Doshi. E ftoj Edi Ramën dhe të gjithë zyrtarët që së bashku me shkatërruesin e Tiranës, Veliajn, që ta nisin nga këtu shkatërrimin në mes të Tiranës. Edi Rama hajde këtu dhe nise nga këtu ndëshkimin.”- u shpreh Pampuri.