Kryeministri Rama po zhvillon një takim me kandidatë dhe deputetë të Partisë Socialiste . Ai mësohet se ndodhet në një restorant ku do të prezantoje zyrtarisht kandidatët për zgjedhjet e ardhshme kurdo që ato do të mbahen.
“Pjesëmarrje masive, nuk na duhen vota që nuk janë tonat. Pjesëmarrje masive për një proces të pastër zgjedhor. PS nuk do të lejojë asnjë abuzim. Duhen zgjedhur komisionerë perfekt, duhen standarde të larta”,- mësohet të ketë thënë Rama.
Rama po ashtu mësohet të ketë thënë se nuk do të negociohet data e zgjedhjeve tashmë të dekretuara për tu mbajtur me 18 qershor.
Sot paradite Rama dhe Basha kanë qenë në Presidencë pas thirrjes së presidentit Nishani për negociata. Rama ishte i shoqëruar nga Ruçi dhe Basha nga Paloka. Nuk dihet ende se në çfarë faze janë negociatat. (M.D/Shuplaka)
