Kryeministri Edi Rama në Samitin e Triestes është takuar edhe me kryministrin e Maqedonisë Zoran Zaevin. Sipas Ramës ky takim ka ardhur për forcimin e miqësisë dhe për thellimin e gjthanshëm të bashkëpunimit mes dy vendeve.
“Në Trieste me kryeministrin Zoran Zaev, për forcimin e miqësisë e thellimin e gjthansh të bashkëpunimit mes dy vendeve tona; me urimin që faqja e re e premtuar nga kryeministri Zaev në marrëdheniet ndëretnike mes dy popujve që formësojnë Maqedoninë mike, të shkruhet me vepra të prekshme për gjithë shqiptarët, të cilët jetojnë në shtetin fqinj”, shkruan Rama.
Në këtë takim Rama është shoqëruar nga ministri i Jashtëm Ditmir Bushati dhe nga Endri Fuga. (J.V/Shuplaka)
