Kryeministri Edi Rama ndodhet në Berlin, ku u takua me Ministrin e Jashtëm Gjerman, Sigmar Grabiel.
Gabriel e ka falënderuar Ramën për kontributin që ka dhënë në qetësimin e konflikteve në vendet fqinje.
“Ne duam ta çojmë përpara përafrimin e Shqipërisë me BE. Plani qëndron tashmë në tavolinë.
Ju falenderoj për reformat që jeni duke kryer por edhe për angazhimin personal dhe qëndrimin tuaj në qetësimin e konflikteve në vendet fqinje. Në prag të proceseve zgjedhore, reformat nuk janë të thjeshta. Shumica e shqiptarëve dëshirojnë stabilizimin dhe avancimin e mëtejshëm drejt BE. Shqipëria ka mundësinë e madhe historike që t’i bashkohet BE. Europa ka mundësinë të bashkëpunojë me Shqipërinë dhe fqinjët e saj për paqen e stabilitetin. Për këtë, ju jeni një garant”, u shpreh minsitri gjerman.
Nga ana e tij Rama i ka shprehur mirënjohje ministrit gjerman për mbështetjen e pakursyer të Gjermanisë ndaj Shqipërisë për Reformën në Drejtësi.
“Mirënjohje për mbështetjen e pakursyer të Gjermanisë. Mirënjohje për reformën themelore në drejtësi. Falë mbështetjes jemi në një proces shumë të avancuar.
Shpresojmë të jemi në lartësinë e sfidës për të filluar zbatimin e reformës me Vettingun e gjyqtarëve e prokurorëve. Shqipëria, partner shumë i angazhuar për këtë marrëdhënie kaq të veçantë të Gjermanisë me rajonin”, tha Rama. (J.V/Shuplaka)
Discussion about this post