Kryeministri Edi Rama ka zhvilluar ditën e sotme një takim me pensionistët, një prej kategorive kryesore që përfitojnë nga shpërblimet e fundvitit. Në fjalën e tij përpara pensionistëve, kreu i qeverisë foli për sistemin në kolaps që kishte lënë qeveria e kaluar dhe reformat e ndërmarra nga qeveria aktuale.
“E gjetëm vendin në një situatë të vështirë, qeveria e kaluar na la në një sistem në kolaps. Më parë, në Shqipëri raporti I kontribuesve ishte një kontrbues me një pensionist, sot nuk është më kështu. Sasia e kontributeve është 4 – 6-fish më shumë se numri i pensionistëve.
Kompanitë më parë nuk i deklaronin kontributet pasi kontributi nuk ishte motivues. Reforma solli rezultate, është rritur numri i njerëzve që kontribuojnë. U kombinua lufta kundër informalitetit me interesin për të kontrbuar. Kemi 20% më shumë kontribute në 2016-ën. Skema e vjetër i bënte të gjitha pensionet minimale, ndërkohë që sot kemi një pension social dhe për ata që nuk kanë kontribuar.
Sipas Ramës, këto reforma nuk bëhen me qëllim fitimin e zgjedhjeve rë ardhshme, por për gjeneratën e ardhshme. Ai u shpreh se nëse do të ishte në krye të qeverisë që 20 vjet më parë, gjërat do të ishin ndryshe. Ai premtoi se vitin e ardhshëm do të rriten pensionet.
“Nga 1 Marsi, do rrisim pensionet. Sado përpjekje të bëjmë nuk janë të mjaftueshme për shkak të mundësive të pakta.”
Vijon
Discussion about this post