Gjatë takimit me drejtuesit e zyrave të punësimit në rrethe, kryeministri Rama iu ka kërkuar atyre që të mos pranojnë asnjë ndërhyrje nga ana e deputetëve dhe ministrave, dhe në rast se kjo ndodh, atëherë ai pret që të njoftohet për emrin me një sms.
Rama, ashtu si në takimet e tjera nuk kurseu as ironinë, ku i ‘falenderoi’ ata se i kishin kursyer sikletin për të shkarkuar ndonjë drejtor këtë muaj.
“Dua që ju drejtorë të mos bëni punën e asnjë punonjësi të paafte, por t’i shkarkoni pa marrë parasysh asnjë bindje politike apo kush e ka sjelle në punë. Merrni për bazë vetëm aftësinë dhe performancën individuale, dhe nëse një ministër apo deputet ndërhyn për 1 punonjës të vetëm të paaftë më çoni me sms emrin e deputetit apo ndërhyrjes. Faleminderit që më kursyet sikletin që të më duhej të shkarkoja ndonjë drejtor këtë muaj, por kjo s’ do të thotë që do ju fal muajin tjetër”, është shprehur Rama. (B.H/Faxweb)
