Kryeministri Rama në një takim me të rinjtë në qytetin e Vlorës të cilët votojnë për herë të parë, u ka bërë thirrje që të votojnë për PS-në duke u bërë edhe një kërkesë që të marrin në parti edhe ata që më përpara kanë votuar për PD-në.
“Shqipëria mund të bëhet vendi ku mirëqeni të mos jetë privilegj i disave, por të jetë një mundësi për të gjithë. Sot ju jeni këtu të panumërt. Sot dhe ata që votojnë për herë të parë kane një detyrim shumë të madh.
Më 18 Qershor duhet të sillni që të votojë çdo të afërm, shok tek lagjia, shok klase apo edhe ata që kanë votuar për PD, merreni dhe silleni te PS te partia e përbashkët e të gjithëve atyre që e duan Shqipërime.
Më 18 qershor kush voton për herë të parë ka një mundësi por ka dhe një detyrim për të marrë hak për pronat që u grabitën në çerek shekulli. Për të marrë hak për gratë dhe vajzat që u përdhunuar.
Për të gjitha nënat që u vranë djemte, dhe që autoret nuk janë dënuar. Për të marrë hak për të gjitha ato krime që rrinë mbi to si mumje gjykatësit e korruptuar”,.- u shpreh Rama.
Prej disa ditësh Rama ka nisur një tur në të gjithë Shqipërinë me votues për herë të parë në zgjedhjet e ardhshme. (M.D/ Shuplaka)
Discussion about this post