Protesta e sotme e banorëve të Kukësit, Hasit dhe Tropojës ka bërë që në konferencën e para pak minutave për shtyp, kryeministri Edi Rama të tërhiqet nga tarifa prej 10 eurosh për një pjesë të qytetarëve.
Rama tha se ata që ushtruan dhunë do të përballen me të gjithë forcën e ligjit ndërsa ata qytetarë të cilët kanë realisht problem se nuk e përballojnë dot tarifën, do të përfitojnë mbështetje financiare nga kompania koncesionare e mirëmbajtjes së Rrugës së Kombit.
Rama gjatë deklaratës u shpreh se kompania do të akordojë një fond prej 120 mijë eurosh në vit rimbursim për të gjithë ata që janë banorë të Qarkut të Kukësit. Ndërsa për ata që e frekuentojnë atë shpesh do të aplikohet ulje çmimi.
“Banorët e Kukësit, Hasit, Tropojës për përdorimin e shpeshtë të rrugës nuk do të paguajnë njësoj si të tjerët”- tha kryeministri Rama.
Më herët ai u shpreh se me të gjithë ata qytetarë të zonës të cilët e kanë shqetësim vlerën e tarifës, do të nisin bisedime për gjashtë ditë rresht për t’i konsultuar dhe për t’i sqaruar për të gjitha keqkuptimet që vijnë nga “ata që duan të luajnë kartat e djegura të politikës në Tiranë”.
Rama u shpreh se kjo është një barrë që ia la në kurriz për ta zgjidhur qeverisja e Partisë Demokratike dhe ministrat e LSI-së.
(E.L/Faxweb)
Discussion about this post