Rama tha dje se ishte shpresëplotë, Macron i mbyll derën Shqipërisë: S’ka zgjerim, ashpërsi për këdo

Samiti i Bashkimit Europian që po zhvillohet në Sofie është ‘finalizuar’ me një deklaratë të ashpër të presidentit francez, Emmanuel Macron.

Macron ka thënë para liderëve të Ballkanit Perëndimor, se Franca nuk e mbështet zgjerimin, pasi sa herë që BE zgjerohet, njëherazi unioni sa vete e dobësohet.

“S’jam në favor të zgjerimit, por për një BE të fortë. Mbështes Ballkanin të ecë para në BE. Sa herë duam të zgjerojmë BE-në shohim që dobësohemi. Ta shohim çdo zgjerim të ri me shumë kujdes e ashpërsi. S’jam për zgjerimin, para se të bëhet një reformë reale.”-ka thënë Macron.

Deklarata e Macron, është një tjetër tregues se 3 vendet euroskeptike, Franca, Gjermania dhe Holanda, nuk do e japin dritën jeshile për hapjen e negociatave.

(F.G/Faxweb.al)