Kryeministri Rama në qytetin e Burrelit në një takim me simpatizantë e PS, i ka ftuar sot gratë dhe vajzat e matjane që të votojnë Partinë Socialiste, dhe jo Lulzim Bashën, pasi sipas tij partia që drejton kryedemokrati shkatërron çdo gjë.
Rama nuk ka nguruar pa bërë edhe krahasime mes drejtuesve të PS dhe të PD në këtë zonë.
Por diskursi i Ramës ka ngjallur reagimin e deputetes së Partisë Demokratike në këtë zonë Dhurata Çupi. Ajo nuk ka nguruar që t’i kujtojë kryeministrit Rama rastin e Shukri Xhelilit në Dibër.
Shkrimi i plotë:
Në përgjigje te kryeministrit që nuk sheh.
Z.Kryeministër ti do të ishe i fundit që mund të flisje për gratë dhe për respektin ndaj tyre në qarkun e Dibrës. Po të kujtoj se ska kaluar as një vit kur u përsëritën zgjedhjet lokale, pikërisht për shkak të sjelljes aspak etike të zyrtarëve të tu në raport me gratë. PD dhe Lulzim Basha jo vetëm i vlerëson gratë dhe këtë e ka treguar duke më besuar mua drejtimin e ekipit tonë fitues të Qarkut të Dibrës, por asnjëherë askush në PD nuk i do gratë si fasadë në politikë. Jam e bindur se mesazhet e tua pa takt ndaj banorëve të Burrelit,Matjanët do ti japin përgjigjen e duhur me 25 qershor.
Republika e Re, ekonomi e fortë e nesërme e sigurë. Lulzim Basha Kryeministër. Votojmë nr 6 me 25 qershor.
(M.D/Shuplaka)
