Pas deklaratës së kryeministrit Edi Rama në Nju Jork, ku tha se çështja e banorëve të Shkozës ishte mjaft e parëndësishme sa për t’u bërë objekt diskutimi deri në SHBA, ka reaguar edhe Edi Lesi.
Këshilltari i Lulzim Bashës për mediat,e ka konsideruar këtë deklaratë të Ramës si arrogancë nga ana e tij si kryeministër i vendit.
“Te nxjerresh 400 familje ne rruge, disa jave pasi u ke premtuar legalizim, dhe te bezdisesh pse te pyesin ne Neë York per kete vogelsi…edhe grushti i Migjenit eshte pak per te thyer turinjte e kesaj arrogance”, reagon Edi Lesi.
Pak më herët, në një intervistë për Zërin e Amerikës, Rama u zu ngushtë ku gazetari e pyeti për banorët e Shkozës.
Rama u përgj duke thënë se Shkoza nuk meriton koment deri në SHBA, ndërsa shtoi se banorët nuk do të dëmshpërbleheshin për prishjen e banesave.
“Shkoza nuk përfaqëson asgjë dhe nuk meriton koment deri në Nju Jork apo Uashington. Është një proces si shumë të tjera, ku fshihen ndërtimet pa leje për të mirën e përbashkët. Patjetër që nuk mund të pretendohet as të shpërblehet, as të dëmshpërblehet, as të shpronësohet por meriton të drejtohet me kujdes, duke i dhënë mundësinë qytetarëve të një qeraje për pak kohë, derisa familjet të gjejnë një vend ku të mund të strehohen me forcat e tyre.
Shteti ka për detyrë t’u shërbejë qytetarëve. Të bësh shtet, punën dhe mirëqenien nuk ka shumë rrugë. Rruga është e qartë dhe ska nevojë për shqetësime të kësaj natyre.”, tha Rama. (D.D/Shuplaka)
Discussion about this post