Rama u kërkoi qytetarëve të injorojnë ‘Besëlidhjen e 2 marsit”, reagon Presidenca: Gruaja e Bilalit, nga dhoma e luleve ku sodiste e traumatizuar protestat…

Pas deklaratave të kryeministrit Edi Rama në Kongresin e partisë së tij, se askush nuk duhet të merrej me të ashtuquajturën ‘Besëlidhja e re e 2 marsit’ referuar manifestimit të thirrur nga Presidenti Meta në mbrojtje të Kushtetutës, ka reaguar këshilltari për shtyp i tij, Tedi Blushi:

“Më në fund Gruaja e Bilalit hoqi dorë nga zanati i fotove të vjedhura dhe kaloi tek arti i gatimit me tenxhere dhe kusi, në Dhomën e Luleve.
E sigurojmë se godina ku ndodhet Dhoma e Luleve, nga ku ajo sodiste e traumatizuar protestat e opozitës në vitet 2000, do të jetë më 2 mars godina më e sigurtë në botë, e mbrojtur nga vajza dhe gra kuqezi vetëm me mimoza në duar.
Të mos mobilizojë policë kot por t’i dërgojë të kapin tonelatat e drogës!”