Sekretari i Përgjithshëm në PD Gazmend Bardhi ka reaguar pas talljes që bëri kryeministri Rama me bojën e hedhur në godinën e Ministrisë së Brendshme. (Lexo ketu)
Sipas Bardhit tre njollat e zeza tregojnë tre ministrant e dështuar që kanë drejtuar këtë dikaster nën qeverisjen Rama: Tahiri, Xhafaj dhe Lleshaj.
Reagimi:
Shqipërinë e ka nxirë Edi Rama duke e kthyer në këto 6 vite në “bazë operacionale të krimit të organizuar rajonal”, “pikë kyçe të shpërndarjes së heroinës në gjithë Europën” dhe “vend kryesor të pastrimit të parave në botë”.
Njollat e zeza sot mbi Ministrinë e Brendshme nga qytetarët ishin: 1 për Saimir Tahirin – kampionin e narkoshtetit në Ministrinë e Brendshme; 1 për Fatmir Xhafajn – kampionin e përdorimit të Policisë së Shtetit për të mbrojtur vëllain trafikant droge; 1 për Llesh Kimikun – kampionin e servilizimit, paaftësisë dhe korrupsionit!
Tik….tak….tik….tak
#Rama ik!
#Shqipëriasigjithëeuropa
Kujtojmë se gjatë protestës së sotme nuk u shënuan akte dhune, ndërsa disa protestues mbetën të lënduar gjatë përplasjes me kordonin e policisë së shtetit.
Në fjalën e tij Basha u shpreh se zgjedhje me Edi Ramën nuk do të ketë, duke i dhënë njëherë e mirë fund thashethemeve për zgjedhjet lokale të 30 Qershorit. (lexo ketu)
(E.K/FAXWEB.AL)
