Kryeministri Rama në një intervistë me gazetaren Mirela Milori te ABC News, tha se ka informacione që çojnë në dyshime të arsyeshme se zyrtarë të lartë të PD kanë lidhje me kokainën që u kap në Durrës. Rama sqaroi se procesi tashmë ka hyrë në një fazë të re me me arrestimin e personit që është identifikuar si koka e trafikut (Arbër Çekaj).
I pyetur nga gazetarja se pse është gjithë ky acarim, kryeministri tha se ka dyshime që të çojnë drejt njerëzve të lidhur ngushtë me rangjet me të larta të PD.
Gjithashtu gazetarja e pyeti nëse mund të ketë në PS klane që mund të kenë përballje me ministrin Fatmir Xhafaj, kryeministri Rama u përgjigj:
“S’e mendoj se unë e kam pak a shumë të qartë si është zhvilluar dhe nëse prokuroria do i shkojë deri në fund njerëzit do shohin gjëra që janë shumë tronditëse, këtu janë përfshirë struktura. Këtu është një gjë matematikisht e sigurtë. Mjafton që prokuroria ti drejtohet kujtdo agjencie e të marrë të vërtetën, unë e përsëris, askush mos më besojë, të presim rezultatin që të vijë nga një agjenci e specializuar ndërkombëtare cilado qoftë ajo”.
Teksa gazetarja i ka bërë të njëjten pyetje të cilës Rama në konferencen për media pak ditë më pare ku pati një perplasje me gazetaren e Fax News, nuk mundi ti pergjigjej, nese kaq e vështirë është të gjeje Rama njerëz që mos te kenë të afërm të implikuar, kryeministri u shpreh:
“Më vjen shumë keq që u bë ngjarje, më vjen të qesh e të qaj me ata që e trajtuan si një moment heroizmi gazetaresk, ishte shfaqje brutale e mungesës së etikës.
Një familje, një parti politike, një qeveri, një organizatë s’mban përgjegjësi për faktin se një anëtar i familjes mund të bëjë një mëkat, që një anëtar i familjes mund të shkelë ligjin, të dalë si dru i shtrembër, por përgjegjësi për mënyrën si reagon ndaj rastit, një qeveri është shumësi njerëzish që i bashkojnë disa vlera parime program e motivim, por të gjithë janë të ndryshem e cdonjeri mund të jetë i tunduar dhe ndër ta ka njerëz që bien në ngasje e pastaj shfaqen në shkelje të ligjit apo të akuzuar.
Edhe në kishë njerëzit shkojnë si vdektarë dhe mëkatarë jo si engjëj që në rast se dikush ka rënë në mëkat është i përjashtuar nga vatha e perëndisë.
Nisur nga kush i ben akuzat, atëherë s’gjejmë më askënd që mund të jetë i pagjykueshëm në moralin e vet. Unë jam eksperiment i gjallë i akuzave që janë bërë, unë s’duhet të isha më në faqe të dheut. Ka akuza të drejtësisë, poltikës, insinuata, në raport me këto ka gjykime dhe gjykimi bazohet mbi domosdoshmërinë që figura që akuzohet të mos jetë i lidhur mbi akuzat që i bëhen dhe e dyta se në Shqipëri ka një baltë të madhe dhe kulturë akuzazh që vjen nga koha e vjetër.
Në rastin e Saimir Tahirit reagova pasi akuza erdhi nga drejtësia dhe tani të provojë të vërtetën” tha Rama. (E.V/Faxweb.al)
