Kryeministri Edi Rama ka vijuar sot me të njëjtën taktikë që përdori gjatë fushatës zgjedhore. Idenë e një koalicioni të madh por me qytetarët, si dhe pasjen e marrëveshjes së 18 Majit me Lulzim Bashën si një busullë orientimi për qeverisjen.
Duhet thënë se keqkuptimi që krijoi marrëveshja mes Ramës dhe Bashës është përfolur jo pak si një nga shkaqet që PD-ja humbi ndjeshëm zgjedhjet e së dielës së 25 Qershorit.
Ndërsa duket se Rama vijon të krijojë një vorbull parqartësish me deklaratat e tij. Pavarësisht se ai tha sot se qeveria do të jetë njëngjyrëshe duket se kryeministrit i leverdis që në opinion të krijohet ideja se ai po kërkon bashkëpunimin e gjerë ndërpartiak për reformat.
“Dua ta rikonfirmoj publikisht që marrëveshja politike e 18 majit me PD mbetet një busull orientuese në marrëdhëniet qeveri-opozitë. Edhe pse qeveria do të jetë politikisht një ngjyrëshe nuk do të qeverisim vetëm, por në koalicion të madh me njerëzit e zakonshëm, këtë u kërkuam në fushatë dhe këtë na e dhanë dakordësinë me rezultatin më të lartë.
Po dështuam në këtë koalicion kaq të madh i bie të përgatitemi për një dështim edhe më të madh. Kërkuam mandat kuqezi e do të qeverisin kuqezi jo si përca e sundo në cdo zonë, e shpërndarës favoresh me shkopin e partisë” – tha Rama në mbledhjen me kandidatët dhe deputetët e 25 Qershorit.
(E.K/SHUPLAKA)
Discussion about this post