Kryeministri Edi Rama ka marrë rolin e gaztorit, teksa vendi është duke shkuar në një rrugë pa kthim atë të mbajtjes së zgjedhjeve një partiake, njësoj si diktatura që rrëzuam 30 vite më parë.
Teksa kishte përballë socialistë në një kafe në njësinë 2 në Tiranë, Rama ka pare filxhan, ku ka ironizuar Monika Kryemadhin dhe Ilir Metën. Duke bërë rolin e fallxhorit, Rama tha se Meta ka mbetur Ilir dhe jo më president.
“Duhet çuar deri në fund ai process, kjo është një hata kushtetuese dhe institucionale. Është këshilluar me filxhanin”, u shpreh Rama, duke i kërkuar Vasilika Hysit që procedurat për shkarkimin e Metës të përshpejtohen.
Deputetja e Komisionit të Ligjeve u shpreh e gatshme që porosia publike e Ramës, në formën e kërcënimit të vihej në jetë sa më parë.
“Secili me mendjen e vet, kur nuk do të hysh në zgjedhje nuk merr dot peng gjithë dynjanë, është vetëvrasje politike spektakolare, por s’kemi ca të bëjmë. Kjo histori, unë nuk jam gati për ndeshje, ti nuk do hysh në stadium, kjo nuk ka shans të ndodhë.
Nuk është cështja thjesht, është atmosfera e paligjshmërisë dhe klima e krijuar, bjeri murit me kokë dhe kjo përhapet, ca mësimi i jep se në fund kemi harruar thelbin, ose një nga misionet e politikës që të ketë edhe forcën e shembullit, cohen 5 vetë në jë klasë e thonë nuk bëhet mësim se nuk duam ne e bjeri bangave, si është kjo.
Cohen 5 veta në trupën e shërbimit në spital e thonë nuk shërbehet, o të ikë drejtori o s’ka, është stimulimi i antiligjet e antishtetit në mënyrën më kriminale dhe për më tepër politikanët që bëjnë ligjet vetë dhe sillen sikur janë mb ligjet”- tha Rama për të justifikuar mbajtjen e zgjedhjeve pa opozitën.
(E.K/Faxweba.al)
Discussion about this post