Rama – vlonjatëve: Padurimi juaj gjenetik do respekt, por kuptoni se punët nuk bëhen sa hap e mbyll sytë

Kryeministri Edi Rama është ndalur së fundmi në Vlorë në kuadër të finalizimit të projektit “Rruga e re e Lumit të Vlorës”, një aks i ri zhvillimi turistik dhe rural që lidh zonën me bregdetin jonian.

Duke theksuar se punët duan kohë për t’u realizuar, ai i kërkoi vlonjatëve, që sipas tij karakterizohen nga “padurimi gjenetik” të kuptojnë se punët nuk bëhen sa hap e mbyll sytë.

“Padurimi juaj gjenetik duhet të trajtohet me shumë respekt, por duhet të kuptoni se punët nuk bëhen sa hap e mbyll sytë. Ja ku jemi të gjithë këtu për t’i hapur rrugë këtij projekti. Është një projekt që në harkun e dy tre viteve do të sjellë transformim.

Projekti sjell transformim të gjithë zonës, përfshihen në të edhe lidhjet e fshatrave. Rol me rëndësi luajtën dhe deputetët. Sot u finalizua një proces i vështirë, Rruga e Lumit të Vlorës.”, është shprehur Rama. (XH.A/SHUPLAKA)