Kryeministri Edi Rama zbulon padashje tentativën për mashtrim të kryebashkiakut Artur Bushi ndaj votuesve.
Fjala është për rrugën Thumanë-Krujë.
Sipas Ramës kishte qenë Bushi që i kishte kërkuar t’ia premtonin banorëve rregullimin e saj, por Rama nuk kishte pranuar, duke i thënë ”Me ça ta bëj?”
”Ore ça thotë ky? Ngeli në televizor gjithë ditën. Unë ia kam dhënë votën…Nuk duhet të shohim te pragu i shtëpisë por më larg.
Se më thoshte Arturi kur ishte i ri, premtojua rrugën Thumanë-Krujë, po me ca ta bëj, s’ka gjë, premtjua tha, se do bëhet.
Faktikisht sot unë po e them se do ta bëjmë.”, u tha Rama të mbledhurve në sallën e Fushë-Krujës. Pas këtij rrëfimi Artur Bushi që ishte në sallë ka qeshur me të madhe.
Sigurisht që Rama, ashtu siç bën gjithnjë, ka bërë edhe batuta të tjera. ”Të vinte dhe të dridhej poçi si pulë e lagme nga lëkundjet e tensionit se shumica ishin në moshën e Vangjush Dakos, më herët, prandaj i bie më qafë. Nuk dua të zgjatem më tutje, nuk jemi këtu për dëmshpërblimet. Ka edhe se s’kanë ardh në takim se thonë hë me se s’ka për t’u bërë. Kaq shumë janë shalu në rrena këta njerëz sa tani është e vështirë që e vërteta më e prekshme mos t’u duket rrenë. Ka njerëz këtu që edhe unë mund të mos u dukem prej vërteti.”, hodhi batutat e radhës kryeministri.(V.G/SHUPLAKA)
