Kryeministri Edi Rama gjatë fjalimit të tij sot në Kuvend, ka thënë se audio-përgjimi i publikuar nga Partia Demokratike, nuk është një sensacion mediatik por një skenar për destabilizimin e vendit.
Rama tha se në këtë “tallje” të madhe ka një figurant që është Albert Veliu, dhe foli për ‘regjisorë’ dhe ‘producentë’ që kanë marrë përsipër realizimin e këtij skenari.
“Historia mbas përgjimit është akoma më e hatashme, e shikoni janë vetëm aktorë, luajnë rolin. Kam shumë shpresë që të dalin nga hetimi skenaristë, regjisorë dhe producentë.
Historia është shumë herë më seriozie nga se duket, megjithatë t’ia lëmë prokurorisë. Të vijë përgjigja e analizës shkencore, nga laboratorë shkencorë ndërkombëtarë, kaq.
I bëj një pyetje shumë të thjeshtë të gjithë atyre, që hedhin akuza se ju doli që vëllai i ministri qenka trafikant droge: Çfarë do mendoni për veten tuaj, kur këtë që unë them, kur të mësoni se bëhet fjalë për një tallje të madhe me të gjithë ju. një tallje e madhe që synon destabilizimn e vendit.”-tha Rama.
(F.G/Faxweb.al)
Discussion about this post