Kryeministri Edi Rama në takimin e sotëm elektoral në qytetin e Gjirokastrës, ka zbuluar se së shpejti do të ikë edhe në Tropojë, ku do të takohet me kushëririn e kundërshtarit të tij politik, Sali Berishës.
Rama tha se kushëriri i Berishës është ndryshe nga ish-kryeministri dhe për këtë do të bashkëpunojë me të. Nga ana tjetër, nuk ka lënë pa thumbuar kryetaren e bashkisë së Shkodrës, Voltana Ademin, me të cilën ka debatuar shumë herë.
“Vota ka rëndësi. Ne punojmë edhe me kryetar bashkish demokrate. Unë do të iki në Tropojë, është demokrat 24 karat. Është kushëriri i Saliut. Është në rregull. Nuk është si kushëri i vet. Do të shkoj atje do të bashkëpunoj me të. Por ma unë nuk kam çfarë ti bëj kryetares së bashkisë së Shkodrës. Është komplet…. është totalisht…si Luli”, tha Rama. (D.D/Shuplaka)
