Është kthyer tashmë në një zakon “kartolina” e “Mirëmëngjesit” të kryeministrit Rama, i cili ka zgjedhur të urojë një ditë të mbarë për shqiptarët përmes imazhit ikonik të Parkut Arkeologjik të Apollonisë.
Një zgjedhje jorastësore e tij, duke qenë se menjëherë pas urimit, ai vë në dukje punën e strukturave përkatëse në qeveri për restaurimin e parkut.
Kryeminstri njofton se muaji Prill shenjon shfaqjen e rilindjes së thesareve të parkut në sajë të ndërhyrjes të nisur që në Janarin e 2016-ës.
“MIRËMËNGJES
dhe ju uroj një ditë të mbarë me këtë imazh ikonik të Parkut Arkeologjik të Apollonisë.
Kam kënaqësinë t’ju njoftoj se në prill do të shfaqen të rilindura thesaret e këtij parku, pas ndërhyrjes më të madhe restauruese të 30 vjetëve të fundit, e cila u ndërmor qysh prej janarit 2016 nga një skuadër ekspertësh të spikatur.
Ky restaurim shembullor, ka përfshirë monumentet brenda hapësirës së Manastirit bashkë me Portikun e Statujave, Trapezarinë, Kishën, depon Arkeologjike, Muzeun, dhe hapësirat panoramike përreth zonës së Parkut.
Parku Arkeologjik i Apollonisë do të ketë Portën e Jugut si hyrjen e tij të re, ku ju sugjeroj të mos e humbisni rastin për të hyrë në një botë magjepsëse.”, shkruan Rama.
(XH.A/SHUPLAKA)
