Takimin e parë në Davos, në Forumin Ekonomik ku gjenden disa nga liderët më të fuqishëm botërorë, Edi Rama e pati me kryeministrin e Belgjikës, Charles Michel.
Nga pamjet që ka shpërndarë kryeministria duket se është një takim i sajuar me shpejtësi, pa përmbajtje dhe ku nuk është folur asgjë thelbësore.
Në video duket që ka ka një bisedë të shkurtër, pak sekonda mes Ramës dhe Michel, ndërsa në njoftimin zyrtar përsëritet një klishe e tipit: “Rama e njohu Kryeministrin belg me hapat e ndërmarra në përmbushje të prioriteteve kyçe e në veçanti me ecurinë e reformës në drejtësi dhe Vetting-un”
Rama është në Davos bashkë me Ditmir Bushatin dhe Endri Fugën. Ndërsa bisedon me Michel, në xhaketën e Ramës bie në sy ylli me pesë cepa.
Takimi i shpejtë është zhvilluar në një cep të parehatshëm të ambjenteve në dispozicion të krerëve të shteteve, siç duket edhe në video.
Temë kryesore e forumit është “Një e ardhme e përbashkët, në një botë të ndarë”. Pa diskutim që vizita e Trump merr vëmëndjen kryesore të forumit, por aty nuk mungojnë as liderë të tjerë si Merkel dhe Macron.
Mbetet për t’u parë nëse Rama do t’ia dalë të kapë një foto pranë emrave të mëdhenj kësaj radhe, apo përpjekjet do t’i dështojnë siç ndodhi në Samitin e NATO-s në Bruksel. Ne i urojmë suksese./Lapsi.al
https://www.youtube.com/watch?time_continue=12&v=NnhBDkNHQjs
Discussion about this post