Pas mbledhjes së Asamblesë së Përgjithshme të OKB-së, kryeministri Edi Rama në një intervistë për Zërin e Amerikës, është pyetur për prishjen e 153 banesave në Shkozë.
Mirëpo Rama e ka konsideruar këtë si një çështje jo aq të rëndësishme saqë për të të jepen shpjegime edhe nga New Yorku apo Washingtoni.
“Shkoza nuk përfaqëson asgjë dhe nuk meriton koment deri në New Jork apo Washington. Është një proces si shumë të tjera, ku fshihen ndërtimet pa leje për të mirën e përbashkët. Patjetër që nuk mund të pretendohet as të shpërblehet, as të dëmshpërblehet, as të shpronësohet por meriton të drejtohet me kujdes, duke i dhënë mundësinë qytetarëve të një qeraje për pak kohë, derisa familjet të gjejnë një vend ku të mund të strehohen me forcat e tyre.
Shteti ka për detyrë t’u shërbejë qytetarëve. Të bësh shtet, punën dhe mirqqenien nuk ka shumë rrugë. Rruga është e qartë dhe ska nevojë për shqetësime të kësaj natyre.”, tha Rama. (D.D/Shuplaka)
