Rama: Ju falenderoj për mikpritjen dhe për angazhimin e tij personal dhe për vullnetin e shprehur që qeverisë federale për ta mbështetur shqipërinë dhe Ballkanin Perëndimor në këtë periudhë kaq të rëndsishme për ne dhe Evropën dhe jemi mirënjohës, jo vetëm unë por të gjithë liderët e rajonit, pasi këtë vit procesi i Berlinit spostohet në Ballkan për herë të parë dhe Tirana është zgjedhur si vendi i mbajtjes.
Ky samit do të vijojë, do të trajtojë sigurisht bilancin e arritjeve të këtij procesi dhe patjetër objektivat për tutje si dhe do të fuqizojë bashkëpunimin në rajon, edhe më shumë. Bashkëpunimi rajonal është e vetmja rrugë që kemi dhe në këtë rrugë jemi me fat që Gjermania është një bashkëudhëtar i vëmendshëm.
Mëe kancelarin kemi diskurtuar dhe disa aspkte te jetës ekonomike dhe financiare në BP si dhe disa elementë të konvergjencës me standardin e jetësës me BE-në si dhe nevojën që BE të hedhë një hap më tutje në mbështetje për ta bërë këtë konvergjencë të realizueshme.
Kemi folur për sfidat e integrimit dhe ka shumë punë për të bërë si dhe për mënyrën se si Gjermania mund të na ndihmoje me burimet njerëzore në funksion të ngritjes së makinerisë ligjore për tu përshtatur me ligjet e BE-së.
Ne e mbështesim fuqimisht planin e paqes mes Kosovës dhe Serbisë dhe është një plan përmbajtësor dhe realist dhe që sjell normalizimin e nevojshëm dhe të shumëpritur dhe që të dy palët duhet ta mbështesin me kurajën e nevojshme.
Si datë e propozuar nga kancelari dhe i pranuar nga ne data 16 tetori i këtij viti do të mbahet samiti i radhës ku do të punojmë së bashku dhe zyra e kancelarit do të na shoqërojë më pas dhe në mbajtjen e një forumi ekonomik.
Në Tiranë do të kemi mundësinë të deklarojmë për çeljen e një kolegji që do të jetë në funksion të gjithë rajonit.
Discussion about this post