Avokati Spartak Ngjela në një shkrim në rrjetet sociale ka folur për nismën e krijimit të Shengenit Ballkanik.
Ngjela shkruan se amerikanët nuk do ta pranojnë këtë nismë.
“Nëse amerikanët do ta godasin këtë ndërmarrje antishqiptare të Ramës, shqiptarët patjetër që do ta flakin Edi Ramën, sepse, pas kësaj, ata duhet ta hedhin atë poshtë, mu si një copë rreckë. Ta shohim…”- shkruan ndër të tjera Ngjela.
Postimi i plotë
A do ta lejojë politika amerikane shengenin ballkanik të Edi Ramës dhe Aleksandër Vuçiçit, ngritur kundër botës shqiptare në Ballkanin Perëndimor?
Të shohim.
Kosova nuk e pranoi dje këtë ndërmarrje, dhe nuk kishte sesi. Domethënë, ky është qëndrimi amerikan? Po. Shenjat janë që ky është edhe qëndrimi amerikan – mospranimi.
Forcat proserbe në Tiranë e konsideruan “izolim të Kosovës” shengenin e Ramës. Që ta shtynin edhe Kosovën te Serbia. Naivitet politik. Këta, ca ekscentrikë në Tiranë, do të mundin politikën amerikanë në Shqipëri dhe në Kosovë?!!
Të gjithë bashkë janë trembur nga rreforma antikorrupsion, dhe kanë shkuar në Beograd: këto janë shenjat.
Nëse amerikanët do ta godasin këtë ndërmarrje antishqiptare të Ramës, shqiptarët patjetër që do ta flakin Edi Ramën, sepse, pas kësaj, ata duhet ta hedhin atë poshtë, mu si një copë rreckë. Ta shohim…
