Kreu i opozitës Basha ka mbajtur fjalën e tij në ditën e 37-të të protestës së opozitës. Ai tha se lajmi I fitores është shumë i afërt dhe rrëzimi i qeverisë është çështje ditësh.
Po ashtu Basha tha se Rama tashmë shpik armiq të jashtëm, ndërkohë që paguan konsulentë për të folur për imazhin e Shqipërisë në botë.
‘’Jo më kot në protestën e opozitës kanë thënë fjalët e tyre ndërkombëtarët, prandaj Amerika është me ne, Europa është me ne, miqtë dhe aleatët janë me ne deri në fitore. Keni dëgjuar këto dy javët e fundit e ka zënë temperatura dhe ethet. Fillon dhe llomotit duke folur për armiqtë e jashtëm që sipas tij kanë bërë konspiracion, po kundër kujt?
Sot nga ky shesh dua t’i them Edi Ramës dhe mercenarëve të tij që paguhen me lekët e drogës, zyrtarë që lehin me paratë e drogës shqiptare, që shqiptarët kanë vetëm një armik që është tirania e drogës. Armiqtë e shqiptarëve janë oligarkia, dhe krimi që po deformojnë të vërtetat që iu tregojnë ndërkombëtarëve një të vërtetë që nuk është.
Ëashingtoni e di të vërtetën, Europa e di të vërtetën dhe pas të vërtetës vjen fitorja jonë për zgjedhje të ndershme. Prandaj le të presim këtu në këtë shesh lajmet e fitores, lajmin e largimit të Edi Ramës, lajmin e qeverisë teknike dhe zgjedhjeve të lira e të ndershme’’, deklaroi Basha.
Discussion about this post