Polemikat në lidhje me kualifikimin e Realit të Madridit dhe arbitrimin kanë vijuar gjatë edhe gjatë ditës së sotme.
Serxhio Ramos i është përgjigjur “flakë për flakë” Zherard Pikesë i cili po ironizonte në rrjetet sociale golin e parë të Kristiano Ronaldos në ndeshjen kundër Bajern Mynih.
Pike postoi “…” në Twitter pas golit të Ronaldos i cili nga pamjet filmike dukej qartë që ishte në pozicion jashtë loje. Por Ramos nuk ka ngurruar pas ndeshjes t’i kujtojë kolegut të tij se Barcelona kishte përfituar në të njëjtën mënyrë në të kaluarën.
“Po, ma treguan. Ai duhet të kthehet pas dhe të rishikojë ndeshjen me PSG-në e më pas të shohim nëse do ta mendojë në të njëjtën mënyrë”, ishin fjalët e Ramos duke qeshur para gazetarëve pas ndeshjes së mbrëmshme..
“Të shohim nesër (sot) se çfarë do të bëjnë ata, kurse ne e bëmë atë që duhej, e kaluam testin tonë. Tani secili ecën në rrugën e vet”, deklaroi Ramos. (E.K/SHUPLAKA)
¡MIRA! Sergio Ramos RESPONDE al tuit de Piqué: “QUE REBOBINE y ponga el partido del PSG”. #ElChiringuitoDeMega pic.twitter.com/dqTlLckqvV
— El Chiringuito TV (@elchiringuitotv) April 19, 2017
