Raporti i Bankës Botërore: Shqipëria në rrezik prej borxhit të lartë publik

Banka Botërore ka publikuar raportin e përvitshëm të prespektivës ekonomike.

Në lidhje me Shqipërinë, Banka Botërore vëren si një dobësi të ekonomisë shqiptare deficitin tregtar si edhe nivelin e lartë të borxhit publik.

Për sa i përket borxhit publik, në raportin e BB-së, nënvizohet se ai përbën një rrezik për Shqipërinë.

“Shqipëria, Gjeorgjia, Kirgizstani dhe Turqia kanë një deficit tregtar, ku vlera e eksporteve e tejkalon vlerën e importeve, që shpesh financohen nga investime që mbartin risk. Shqipëria, Bjellorusia, Kroacia, Hungaria, Mali i Zi, Polonia dhe Ukraina rrezikohen nga nivelet e larta të borxheve publike”, thuhet ndër të tjera në raportin “Global Economic Prospects 2017”, të Bankës Botërore.

Sipas raportit, këtë vit ekonomia e Shqipërisë do të shkojë në 3.5%, ndryshe nga qeveria që pretendon për një rritje prej 3,8%, ndërsa në vitinm 2019 parashikohet të arrijë në 3,9% të PBB-së.

Në një raport të mëparshëm, ky institucion financiar, shprehej se, ekonomisë së Shqipërisë do t’i duhen të paktën edhe 10 vjet me rritje ekonomike 4% për të zhdukur varfërinë ekstreme.

Sipas saj, në vendin tonë janë të paktën 31 mijë vetë që jetojnë me më pak se 120 lekë në ditë. (A.R/SHUPLAKA)