Në lidhje me raportin e CIA-së që e rendiste vendin tonë si një rrugë kalimi për kokainën dhe opiumin ka reaguar dhe deputeti i LSI-së Endrit Braimllari.
Deputeti i LSI-së shprehet se ku raport dëshmon edhe një herë se bosi i drogës është vetë Rama.
Po ashtu duke iu referuar shkarkimit të Haki Çakos, Braimllari shprehet se kjo nuk mjafton.
“Shqetësimi i shërbimeve të inteligjencës amerikane CIA mbi Shqipërinë për trafikun e drogës, si prodhuesin më të madh të mariuanës dhe rrugë kalimi për kokainën dhe opiumin dëshmon atë çfarë kemi thënë prej kohësh.
Dëshmon dhe një herë që bosi i drogës është vetë Kryeministri. Lirimi i kryepolicit nuk e shpëton sepse bosi i drogës është aty në implemetimin e planit të drogës që po e nxin çdo ditë e më shumë Shqipërinë.
Nuk ka rrugë tjetër përveçse një front të bashkuar për të larguar këtë fatkeqësi kombëtare.”, shprehet Braimllari në reagimin e tij.
(E.K/FAXWEB)
