Kreu i Grupit Parlamentar të LSI-së Luan Rama ka reaguar për raportin e DASH përsa i përket situatës së drogës në Shqipëri. Rama tha se është e turpshme shfaqja e Shqipërisë në ekranet e botës me policë që shkojnë dhe korrin drogën.
‘’Dje DASH tha se Shqipëria ishte një vend kalim për marjuanën. Kjo kërkon një reagim konkret të të gjitha isntitucioneve që kanë në dorë parandalimin, dhe një reagim të gjitha institucioneve shtetërore.
LSI ka apeluar për përgjegjësinë që duhet të ketë në luftën ndaj çdokujt që rezulton i trafikuar. Është shumë e rëndësishme jo vetëm për imazhin e vendit, Shqipëria të mos bëjë më spektakle me policë që çohen të korrin kanabis. Institucionet shtetërore e kanë për detyrë të parandalojnë dhe të ndalojnë çdo shfaqje të shkeljes së ligjit.
Ju bëj thirrje të reagojnë menjëherë dhe në mënyrë konkrete, jo me fraza jo me demagogji dhe as më akuza dhe kundërakuza për tiy përgjigjur shqetësimit të partnerëve strategjikë, të DASH po edhe nga antimafia italiane të cilat janë të shqetësuar për këtë situatë kriuminale.’’, u shpreh Rama. (E.K/SHUPLAKA)
