Raporti i “Moody’s”, Tabaku: Më shumë lëvdata për periudhën 2004-2013 sesa për qeverinë Rama

Për Partinë Demokratike, raporti i radhës i “Moody’s”, kompania ndërkombëtare që vlerëson aftësitë financiare të shteteve, nuk sjell asnjë gjë të re.

Sipas deputetes Jorida Tabaku, raporti ka më shumë lëvdata për periudhën 2004-2013 sesa për atë të qeverisë Rama, 2013 e në vazhdim.

“Faktorët që po mbajnë gjallë ekonominë dhe konsumin janë të lidhura ngushtësisht me dy investime të huaja të nisura nga qeveria e shkuar, TAP dhe hidrocentrali i Devollit. Janë këto lokomotiva e ekonomisë shqiptare që nxori nga një gati recesion ekonomik vendin gjatë këtij viti, sipas analizës së Moody’s”, shkruan deputetja demokrate në një postim të sajin në Facebook.

Sipas Tabakut, raporti në fjalë ka shumë arsye për t’u shqetësuar, mbi të gjitha niveli i borxhit dhe mungesa eë aftësisë konkurruese.

“Në mënyrë të veçantë, raporti shprehet se Shqipëria ka një nivel të lartë të borxhit publik, i cili në vitin 2015 arriti në majën me të lartë në rreth 73 për qind të GDP-së. Moody’s pohon se Shqipëria ka nevoja të mëdha për hua të reja dhe thekson se financimi i qeverisë varet nga paratë e marra hua nga sektori bankar vendas, i cili është i rënduar nga shumë kredi të këqija, të cilat muajin e fundit janë rritur me 18 mld lekë”, shprehet Tabaku.

Postimi i plotë: