Kreu i Partisë Demokratike, Lulzim Basha ka reaguar sërish ditën e sotme për sa i përket raportit përfundimtar të OSBE-ODIHR për zgjedhjet paralamentare të 25 prillit.
Edhe një herë tjetër, Lulzim Basha i ka quajtur zgjedhjet e 25 prillit një masakër zgjedhore, duke shtuar se PD ka depozituar në SPAK dhe prokuroritë e rretheve 185 padi penale për krimet zgjedhore.
Basha thekson më tej se pa u ndëshkuar autorët e kësaj masakre, pa u kthyer legjitimiteti në vend, nuk do të kemi një pushtet të njerëzve për njerëzit, por sundimin e një pakice të korruptuar që varfëron dhe shpopullon Shqipërinë.
“25 prilli ishte një masakër zgjedhore! Këtë e dinë të gjithë shqiptarët, këtë e konfirmon edhe OSBE/ODIHR. Partia Demokratike ka depozituar 185 padi penale në SPAK dhe në prokuroritë e rretheve për krimet zgjedhore. Ne presim drejtësi, sepse shqiptarët meritojnë zgjedhje të lira dhe të ndershme. Pa u ndëshkuar autorët e kësaj masakre, pa u kthyer legjitimiteti në vend, nuk do të kemi një pushtet të njerëzve për njerëzit, por sundimin e një pakice të korruptuar që varfëron dhe shpopullon Shqipërinë”, shkruan Basha.
Dy ditë më parë, OSBE-ODIHR ka publikuar raportin përfundmitar për zgjedhjet parlamentare të 25 prillit, duke vënë theksin te hetimi dhe ndëshkimi i shit-blerjes së votës, si edhe te ruajtja e të dhënave të qytetarëve.
Ndër të tjera, raporti thoshte se partia në pushtet ka pasur avantazh duke përdorur administratën shtetërore në favor të tyre. Një pikë e rëndësishme ishte dhe media, për të cilën kërkonte të lejohej të punonte e pavarur në fushatën e subjekteve politike. (Lexo ketu raportin e plote)
(E.H/Faxweb.al)
Discussion about this post