Zëvendëskryeministrja Ledina Mandija, zbulon detajet mbi raportin e Task-forcës për zgjedhjet e 25 qershorit.
Sipas Mandjijës, raporti është ende në vlerësim e sipër dhe po bëhet përpunimi i të dhënave për të ia vënë publikut në dispozicion.
Mandija thotë se afati për publikimin e raportit ishte data 10 korrik, por ka ende ministri që përcjellin materiale informuese dhe për këtë arsye raporti po vonohet.
“Në përmbyllje të monitorimin të kryer nga e ana e Task – Forcës bazuar në VKM 473/2017, duke u bazuar në informacionet dhe raportimet e bëra nga të gjitha ministritë dhe institucionet që kanë ngritur grupet e monitorimit gjatë fushatës elektorale, është duke u bërë vlerësimi dhe përpunimi i të dhënave për të vënë sa më shpejt në dispozicion të publikut, subjekteve politike të interesuar, autoriteteve vendase dhe organizmave ndërkombëtar, raportin përfundimtar në lidhje me rezultatet e këtij monitorimi.
Sqarojmë opinionin publik se afati përfundimtar për dorëzimin e raporteve përfundimtare ishte data 10 korrik 2017, ndërkohë që ende sot disa nga Ministritë përcjellin materiale informuese.”, deklaroi Mandija. (D.D/Shuplaka)
Discussion about this post