Raporti për Portin e Durrësit: 10% më shumë pasagjerë se në 2016 kanë udhëtuar në rrugë detare

Në një raport statistikor nga Porti i Durrësit, bëhet e ditur se 10% me shume pasagjerë se në 2016 kanë udhëtuar në rrugë detare.

Sipas  raportit afro 265 mijë udhëtarë kanë udhëtuar me tragete vetëm në muajin gusht 2017. Po ashtu  gjatë muajit gusht të këtij viti tragetet e linjave nga Durrë si drejt Barit, Ankonës dhe Triestes (Itali) dhe anasjelltas janë shfrytëzuar nga 264.887 udhëtarë vendas dhe të huaj gjithsej.

Ndërkohë 113 mijë udhëtarë kanë përdorur tragetet drejt Durrësit, ndërsa 152 mijë të tjerë janë nisur me tragete drejt porteve të Italisë.

Gjithashtu  tragetet kanë transportuar mbi 62 mijë autovetura gjithsej, afro 35 mijë nga të cilat në dalje, ndërsa pjesa tjetër në hyrje drejt Durrësit. Shifrat janë 10 përqind më të larta se sa në muajin gusht të vitit 2016. Gushti vazhdon të jetë muaji me numrin më të lartë të udhëtarëve dhe automjeteve që shfrytëzojnë tragetet.

(S.SH/Shuplaka)