Arkeologët që për disa ditë radhazi u larguan nga punimet në kuadër të sheshit “Veliera” janë rikthyer sërish gjatë javës së kaluar. Ata u janë rikthyer strukturave për dokumentacion, aty ku gjykata ka dhënë masën për ndalimin e punimeve.
“Në momentin kur pritej raporti që do të paraqitej në gjykatë për të ardhmen e objektit ku bie njëra prej këmbëve të “Velierës”, arkeologët deklarojnë se raporti përfundimtar do të duhet së paku edhe 30 ditë për përfundimin e tij.”, përcjell “DurrësLajm”.
Kjo flet se beteja mes Bashkisë së Durrësit që do ndërtimin e sheshit “Veliera” krahasuar me qytetarët që janë kundër, nuk do të jetë një betejë e lehtë.
Pak ditë më parë, Gjykata e Durrësit vendosi bllokimin e punimeve në pjesën e sipërme të rrugës përgjatë hapësirës që nis nga Torra Veneciane dhe përfundon në anën tjetër të rrugës.
(XH.A/SHUPLAKA)
