Analisti Baton Haxhiu, ka deklaruar sot nga studio e “Opinion” se krerët e PS-së dhe LSI-së kanë arritur në një marrëveshje dhe në zgjedhjet e 18 qershorit do të hyjnë bashkë. Ai ka shprehur dëshirën që ata të kishin dalë të ndarë, por sipas drejtorit të “Klan Kosovës”, ata hyjnë bashkë në këto zgjedhje.
Në vijim të fjalës së tij, Baton Haxhiu ndau mendimin se kjo qeveri e numrave ka qenë më tepër në vetvete qeveri e rivalitetit.
“Rama dhe Meta kanë rënë dakord dhe hyjnë bashkë në zgjedhje. Ka qenë e pamundur të bëheshin gjithë ato reforma dhe të miratoheshin ligjet pa pasur numrat në Kuvend. Në të vërtetë kjo betejë menjëherë e dalur pas zgjedhjeve ka filluar mes Metës dhe Ramës. Raporti i tyre është me shumë dhimbje. Ky raport, është një betejë politike, dy partitë kanë ndërtuar filtra.”, është shprehur Haxhiu.
(XH.A/SHUPLAKA)
