Gazeta britanike e Telegraf raporton se zyrtarët e U.K. kanë frikë se Irani ose Rusia mund të kenë ndihmuar “përparimin e papritur” të Koresë së Veriut në zhvillimin e armëve bërthamore.
Zyra e jashtme britanike po zhvillon hetime nëse “vendet e tashme dhe të dikurshme atomike” e kanë ndihmuar Phenianin për të zhvilluar armatim bërthamor me kapacitet për bartje në raketa.
“Irani është krye i listës së vendeve të dyshuara për dhënien e një ndihme, ndërsa Rusia është gjithashtu në qendër të vëmendjes”, thuhet në letër.
Zyrtarë të lartë të paidentifikuar i thanë gazetës se ishte “jo e besueshme” se shkencëtarët e Koresë së Veriut vetëm mund të kishin arritur përparimet bërthamore.
“Shkencëtarët e Koresë së Veriut nuk janë të aftë për avancime të tilla bërthamore” shkruan gazeta.
Koreja e Veriut më 3 shtator tha se kishte testuar me sukses një bombë hidrogjeni të avancuar që mund të ngarkohej në një raketë balistike ndërkontinentale (ICBM). Shtetet e Bashkuara, Rusia, Kina dhe shumica e fuqive të tjera botërore e dënuan ashpër këtë veprim të Koresë. (B.H/Shuplaka)
