Shërbimet sekrete gjermane akuzojnë Rusinë se po përpiqet të prishë marrëdhëniet mes agjencive europiane dhe SHBA-së.
Revista gjermane “Der Spiegel” shkruan se shërbimet sekrete zotërojnë një raport të qeverisë federale ku vërtetohen këto lëvizje të Rusisë.
“Dokumenti, i publikuar nga një grup i shërbimeve sekrete, arrinte në përfundimin se Rusia ka ndikuar për vite të tëra në vendet e Bashkimit Evropian për të dobësuar lidhjet e ngushta mes shërbimeve sekrete amerikane me ato të Bashkimit Evropian”, shkruan revista.
Megjithatë, qeveria ende nuk e ka vendosur nëse do e bëjë publik këtë raport apo jo dhe nëse po, në çfarë forme do e bëjë këtë.
Pas një serie fushatash propagandistike dhe sulmesh kibernetike, Shërbimi sekret gjerman për jashtë vendit (BND) dhe agjencia e brendshme sekrete, The Verfassungsschutz, u ngarkuan të hetonin lidhur me këtë çështje dhe rezultatet e hetimeve të tyre i përmblodhën në këtë raport. (D.D/Shuplaka)
