Raportusja e e Parlamentit Europian për Kosovën: Formoni qeverinë me frymë evropiane

Ulrike Lunaçek  Raportuesja e Parlamentit Europian për Kosovën, ka komentuar mbajtjen e zgjedhjeve parlamentare në Kosovë.

Ajo  u ka kërkuar partive politike në Kosovës që sa më shpejtë të formojnë qeverinë e re në frymën evropiane.

 “Urime qytetarëve të Kosovës dhe partive politike për funksionimin dhe organizimin e mirë të zgjedhjeve. Komisioni Qendror i Zgjedhjeve ka qenë i suksesshëm në organizimin e këtyre zgjedhjeve të parakohshme në një periudhë të shkurtër kohore. Ne jemi të kënaqur që procesi u zhvillua në një atmosferë të qetë. E inkurajoj vazhdimin e zhvillimit demokratik të Kosovës”

Lunaçek  theksoi se ka mirëpritur pjesëmarrjen e komunitetit serb të Kosovës në këto zgjedhje, si një shenjë pozitive e angazhimit të tyre me institucionet e vendit.

 “Puna për të mirën e vendit dhe qytetarët e saj duhet të fillojë përsëri. Prandaj u bëjë thirrje partive politike të Kosovës që sa më shpejt të formojnë një qeveri për të trajtuar sfidat e ndryshme dhe për të vazhduar rrugën e Kosovës drejt BE-së”, është shprehur Lunaçek. Lunaçek ka pasur edhe një porosi për qeverinë e re duke thënë se ajo “duhet të fokusohet në krijimin e kushteve më të mira ekonomike dhe sociale, si dhe të punojë më shumë në arsim dhe shëndetësi”, duke shtuar se kjo është ajo që qytetarët dhe miqtë e Kosovës në BE duan për qytetarët e Kosovës”, k thënë Lunaçek. (S.SH/Shuplaka)