Ish-kryeministri Sali Berisha ka bërë një deklaratë të fortë në rrjetet sociala vetëm pak kohë pas një grabitje të ndodhur në aeroportin e Rinasit, ngjarje që u pasua me një viktimë dhe me zhdukjen e miliona eurove (lexo këtu).
Sipas Berishës, paratë janë grabitur nga bandat e lidhura me qeverinë, ndërkohë që argumenton se rojet që shoqëronin paratë dhe ato që vëzhgojnë aeroportin bënë sehir.
“Paratë e grabitura, në traditen e njohur do t’i përdorim për fushatën elektorale të ardhshme”, shkruan Berisha.
Kujtojmë se para 2 viteve, në kohën kur vendi ishte në prag të zgjedhjeve të përgjithshme po në aeroportin e Rinasit u grabitën afërsisht në të njëjtën mënyrë rreth 3.2 milion euro, para për të cilat edhe në atë kohë opozita hodhi akuza të forta ndaj qeverisë si e pëfshirë në ngjarje.
Ndërkohë njëbitje e tillë është bërë edhe në dhjetor të vitit 2017 si dhe një tjetë në vitin 2015 ku në total shifra e parave të grabitura shkonte mbi 7 milion euro.
Postimi i plotë:
Bandat e partise grabisin per se dyti miliona euro ne pisten e avioneve te aeroportit me te pasigurte ne bote, pra te Rinasit.
Grabitesit e armatosur moren te gjitha arkat nga mikrobuzi i blinduar qe do ngarrkoheshin ne avion. Rojet e armatosura private qe shoqeronin mikrobuzin me arka me para dhe rojet e aeroportit ben sehir!
Hajdutet me automjetin me arkat e plaçkitura qe permbanin miliona euro u zhduken ne drejtim te paditur. Nderkohe afer Fushe Krujes policia ekzekutoi besohet njerin nga banditet.
Parate e grabitura, ne traditen e njohur do ti perdorim per fushaten elektorale te ardhshme. sb
(F.GJ/FAXWEB.AL)
