Barcelona e nisi mbrëmë kampionatin në formën më të mirë të mundshme përballë Alaves të cilën e mundi me rezultatin 3-0.
Messi bëri një ndeshje fantastike dhe arriti të shënojë dy gola, ndërsa në total, skuadra katalanase numëron 6002 gola. Por vijon të qarkullojë një ide apo teori interesante. Kjo lidhet me mundësinë për të fituar trofeun e Ligës së Kampionëve nga skuadra e Barcelonës.
Historia na mëson se nëse tek Barcelona serinë e golave në fillim të kampionatit do ta nisë Lionel Messi, atëherë kjo shtron rrugën se Barcelona do mund të fitojë edhe trofeun e “veshëmadhes”. Sipas të dhënave, Messi rezulton se ka shënuar golin e parë në kampionatet: 2008-09, 10-11, 14-15.
Tashmë pritet për t’u parë nëse argjentinasi ka patur këmbën e mbarë, e cila do t’i shërbejë jo vetëm në kampionatin spanjoll, por edhe në trofeun dhe garën e Ligës së Kampionëve.
(B.H/Faxweb)
