Autoritetet shëndetësore në Kosovë kanë bërë të ditur se sot janë konfirmuar 122 raste të reja me covid-19 në Kosovë. Po ashtu, 81 persona janë shëruar.
Rastet pozitive janë nga: komuna e Prishtinës 41 raste, komuna e Ferizajt 21 raste, komuna e Pejës 10 raste, komuna e Gjakovës 8 raste, komuna e Prizrenit 7 raste, komuna e Fushë Kosovës 5 raste, komuna e Gjilanit 5 raste, komuna e Vushtrrisë 5 raste, komuna e Podujevës 4 raste, komuna e Kamenicës 3 raste, komuna e Vitisë 3 raste, komuna e Shtimes 2 raste, komuna e Lipjanit 2 raste dhe me nga 1 rast komunat: Dragash, Istog, Klinë, Malishevë, Skenderaj dhe Suharekë.
Numri total i të prekruve në Kosovë ka shkuar në 2799, ndërsa 1506 pacientë janë shëruar.
‘’Apelojmë te qytetarët, bizneset, gastronomia, që në mënyrë strikte të respektojnë distancën fizike, përdorimin e maskave, dezinfektimin dhe ajrosjen e lokaleve, duke pamundësuar përhapjen eventuale të infeksionit dhe shmangien e përhapjes në hapësirat e mbyllura.’’, thuhet në njoftimin e IKSHPK.
Po ashtu kërkohet që të barten maskat dhe të mbahet distanca fizike
Discussion about this post