Situata me Covid-19 në vendin tonë vijon që të mbetet shqetësuese. Ditën e sotme 132 persona kanë rezultuar pozitive, ndër to 15 raste të reja janë zbuluar në Gjirokastër.
Burime për Faxweb bëjnë me dije se 9 raste të reja janë zbuluar në një fasoneri. Ndërkohë që një rast është zbuluar në një klinikë private okulistike në pronësi të kryetarit të bashkisë Flamur Golemit.
Sakaq po ashtu një rast i ri është zbuluar në fabrikën e pijeve dhe 4 raste janë të veçuara.
Kujtojmë se sot Ministria e Shëndetësisë dhe Mbrojtjes Sociale bëri me dije se në 24 orët e fundit katër persona kanë humbur betejën me COVID-19, ndërsa janë shëruar 55 qytetarë.
Sakaq të ínfektuar me Covid-19 kanë rezultuar 132 raste persona, ndërkohë që janë kryer 817 testime.
Në 24 orët e fundit, me gjithë përpjekjet e mjekëve, e kanë humbur betejën me COVID19 një 66 vjeçare nga Kukësi, një 69 vjeçar nga Kurbini, një 70 vjeçar nga Elbasani dhe një 72 vjeçar nga Tirana. Ministria e Shëndetësisë dhe Mbrojtjes Sociale u shpreh ngushëllimet familjarëve.
